ताजा अप्डेट :

test नगर प्रमुख र अध्यक्ष सहित अर्घाखाँचीका जनप्रतिनिधीले बुझाएनन खर्चको विवरण ? ६ महिनाभित्र जरिवाना नतिरे पद जानसक्ने सन्धिखर्क नगरपालिकाद्वारा ऋषिपन्चमीको दिन सार्वजनिक विदा महेश बस्नेतको चेतावनी–‘बालेन्द्रका समर्थकसँग हजारौं पटक लड्न तयार छु’ अर्घाखाँचीमा रायमाझी र आचार्य आमने सामने हुनसक्ने चन्दा आतंक रोक्छौँ : प्रहरी प्रमुख रिजाल मेयर शाहले भने - 'नक्सा पास गर्ने अधिकार नै सर्वोच्चलाई दिऊँ' नेपालमै पहिलो पटक लुम्बिनी प्रदेशमा सामाजिक सूचना व्यवस्थापन प्रणालीको शुरुवात अर्घाखाँचीको चुनावी विश्लेषण : सजिलो छैन टोप बहादुर रायमाझीलाई फेरी आउछु भन्दै डडेलधुराबाट काठमाण्डौ फर्किए सागर ढकाल

यो वर्ष अर्घाखाँचीका कुन पालिकाले कति बजेट प्राप्त गरे, हेर्नुहोस विस्तृत विवरण 

हरिप्रसाद भुसाल May 30, 2021

हरिप्रसाद भुसाल / जेठ १६, अर्घाखाँची
सरकारले आगामी आर्थिक वर्ष २०७८/ ७९ को लागि १६ खर्ब ४७ अर्ब ५७ करोडको बजेट विनियोजन गरेको छ । स्थानीय तहले यो वर्ष २ खर्ब ८३ अर्ब १ करोड बजेट पाएका छन् ।
स्थानीय तहलाई वित्तीय सामान्यीकरण, समपूरक, सशर्त र विशेष अनुदान शीर्षकमा सो बजेट छुट्याइएको हो ।
७५३ वटा स्थानीय तहले आ आफनै पालिकामा खर्च गर्नका लागि बजेट हस्तारतरण गरिएको छ ।
यस वर्ष अर्घाखाँचीका स्थानीय तहले २ अर्ब ८० करोड ३२ लाख रुपैयाँ बजेट पाएका छन । अर्घाखाँचीमा ६ वटा स्थानीय तह छन् । जसमा ३ वटा नगरपालिका र ३ वटा गाउँपालिका छन् । ३ वटा नगरपालिकाले कुल १ अर्ब ५७ करोड ४७ लाख रुपैयाँ बजेट पाएको छ ।
३ वटा नगरपालिकामध्ये सबैभन्दा बढी सन्धिखर्क नगरपालिकाले बजेट प्राप्त गरेको छ । उक्त नगरपालिकाले ५९ करोड ५ लाख रुपैयाँ बजेट पाएको छ । त्यस्तै शितगंगा नगरपालिकाले ५२ करोड २० लाख बजेट प्राप्त गर्दा नगरपालिकाहरु मध्ये सबैभन्दा कम भूमिकास्थान नगरपालिकाले रु ४६ करोड २० लाख रुपियाँ बजेट पाएको छ ।
३ वटा गाउँपालिकामा १ अर्ब २२ करोड ८५ लाख रुपैयाँ बजेट विनियोजन भएको छ । सबैभन्दा बढी मालारानी गाउँपालिकाले पाएको छ । मालारानी गाउँपालिकाले ४४ करोड २४ लाख प्राप्त गर्दा पाणिनी गाउँपालिकाले ४१ करोड ९५ लाख बजेट पाएको छ । भने सबैभन्दा कम छत्रदेव गाउँपालिकामा छुट्याइएको छ । छत्रदेव गाउँपालिकाले ३६ करोड ६६ लाख रुपियाँ प्राप्त गरेको हो ।