चैत्र ३०, काठमाण्डौ । काठमाण्डौ महानगरका नगर प्रमुख बालेन्द्र शाहले सरकारलाई कडा प्रहार गरेका छन् ।
सरकारले आफुहरुका कुरा नसुनेपछि आक्रोशित भएका बालेनले सामाजिक सन्जालमा स्टाटस लेख्दै कि काठमाण्डौको हितमा काम गर्न कि सिंहदरवार अरु पालिकामा सार्न चुनौती दिएका हुन् ।
सिंहदरवारसंग असहमती भएपछि केही दिन अघि सिंहदरवारको फोहोर नउठाउने घोषणा गरेका बालेनलाई हिजो मन्त्री परिषदको वैठकले आलोचना गरेको थियो । बैठकले बालेनले अस्वाभाविक हर्कत देखाएको भन्दै सम्झाउने निर्णय गरेको थियो ।
मन्त्रीपरिषदको बैठकले बालेनको विषयमा बोलेको अर्कोदिन बालेनले सिंहदरवार सार्न वा काठमाण्डौको हितमा काम गर्न आग्रह गरेका हुन् । सिंहदरवार सारेपनि आफुहरुलाई स्वीकार्य रहेको बताएका बालेनले काठमाण्डौको सम्पदा, संस्कृती र सभ्यता आफुहरुले गुम्न नदिने प्रष्ट समेत पारेका छन् ।
