चैत्र ३०, अर्घाखाँची । भूमिकास्थान नगरपालिका अर्घाखाँचीका दुई विद्यालयको कक्षा आठको अन्तिम परिणाममा निराषाजनक नतिजा आएको छ ।

भूमिकास्थान नगरपालिकाभर कक्षा ८ को परिक्षामा कुल ५४२ विद्यार्थी सहभागी भएकोमा भूमिकास्थान नगरपालिका वडा नं. २ मा रहेको भगवती आधारभूत विद्यालय र भूमिकास्थान ४ मा रहेको लक्ष्मी आधारभूत विद्यालयबाट एकजना पनि विद्यार्थी सवै विषयमा उत्तीर्ण भएका छैनन ।

कुल २२ जना विद्यार्थीलाई परीक्षामा सम्मिलित गराएको भगवती र १३ विद्यार्थी परीक्षामा सहभागी गराएको सिघार्थ निल भएको स्रोतले जनाएको छ । यो संगै भूमिकास्थानको समग्र नतिजा समेत निकै कमजोर देखिएको छ । यसबाहेक धर्मावती आधारभूत विद्यालय असुरकोट, लम्ची आधारभूत विद्यालय नुवाकोट, यशोधारा आधारभूत विद्यालय नुवाकोट र दीपेन्द्र

आधारभूत विद्यालय ढिकुराबाट समेत सवै विषयमा एक एकजना मात्र उत्तीर्ण भएका छन् ।
भूमिकास्थान नगरपालिकाभर ५४२ जना विद्यार्थी कक्षा ८ को परिक्षामा सम्मिलित भएकोमा ६९ जना अर्थात १२ दशमलव ७३ प्रतिशत विद्यार्थीले मात्र सवै विषय उत्तीर्ण गरेका छन् ।