हरिप्रसाद भुसाल / जेठ १६, अर्घाखाँची
अर्घाखाँची जिल्लामा कोभिड जित्नेहरुको संख्यामा उल्लेख्य बृद्धी भएको छ ।
आज जिल्लाभरमा १ सय ६४ जनाले कोभिडलाई जित्दा जिल्लाभर सातजना मात्र संक्रमित थपिएका छन् ।
छत्रदेवमा १८ जनामा एन्टिजिन विधिबाट भएको परिक्षणमा ६ जना संक्रमित भेटिएका छन् भने पिसिआर विधीबाट सन्धिखर्क नगरपालिकामा १ जना नयाँ संक्रमित थपिएका छन् ।
त्यस्तै आज निको हुनेहरुमा छत्रदेव गाउँपालिकामा ११ जना, पाणिनीमा १० जना, भूमिकास्थान नगरपालिकामा ६० जना, मालारानी गाउँपालिकामा १० जना, शितगंगा नगरपालिकामा १४ जना र सन्धिखर्क नगरपालिकामा ५९ जना रहेका छन् ।
हालसम्म जिल्लामा संक्रमित हुनेहरुको संख्या २ हजार ४० जना पुगेकोमा हाल जिल्लामा २७९ जनासक्रिय संक्रमितहरु रहेका छन् ।
हालसम्म अर्घाखाँचीभर १ हजार ५ सय ७४ जना कोभिडलाई जितेर निको भएका छन् भने हालसम्म अर्घाखाँचीमा ५३ जनाले कोभिडबाट ज्यान गुमाएका छन् ।
