हरिप्रसाद भुसाल / जेठ १६, अर्घाखाँची
अर्घाखाँची सम्पर्क समिति युएइले अर्घाखाँची अस्पताललाई दुई थान कन्सनटेटर सहयोग गरेको छ ।
सन्धिखर्क अस्पतालमा आयोजित अनौपचारीक कार्यक्रमका विच अर्घाखाँची अस्पताल विकास समितिका अध्यष श्रीकृष्ण भुसाल र अस्पतालका निमित्त प्रमुख डाक्टर कपिल गौतममार्फत स्वास्थ्य सामग्री हस्तान्तरण गरिएको हो ।
अर्घाखाँची अस्पतालमा उपचाररत विरामीहरुको लागि सहजता होस भनेर सहयोग हस्तान्तरण गरिएको अर्घाखाँची सम्पर्क समिति युएइका अध्यक्ष कृष्ण भुसालले जानकारी दिनुभयो ।
स्वास्थ्य सामग्रीहरु ग्रहण गर्दै अस्पतालका प्रमुख डाक्टर गौतमले परदेशीएका जिल्लावासीहरुको मायाले आफुहरुलाई काम गर्न उत्साहित बनाएको बताउदै सहयोगी हातहरुलाई धन्यवाद व्यक्त गर्नुभएको थियो ।
कार्यसमिति सदस्य प्रकाश परियार, प्रकाश रायमाझी, बलराम रायमाझी, श्रीधर महत्रा, बुद्धी आचार्य लगायतको उपस्थिती रहेको थियो ।
